History-Fiction.ru: Сборник князя Оболенского. №№ 01-03.

§ 1     Воля     18/04/2017 12:36     кому: Всем

Жалованная грамота (ярлыкъ) Менгли-Гирея королю Польскому Сигизмунду 1-му. с. 87-89.

И даньми и зъ землями и зъ водами; Володимирскую тму со всими входы и даньми, и зъ земляли и зъ водами; Великого Луцка тму со въсими входы и зъ данъми и зъ землями и зъ водами; Смоленъскую тму со всими входы и зъ даньми и зъ землями и зъ водами; Подолскую тьму со всими входы и зъземлями и зъ даньми и водами; Каменицкую тьму со всими входы и зъ даньми и зъ землями и водами; Браславскую тьму со всими входы и зъ даньми и зъ землями и водами; Сакалскую тьму со /88/ всими входы и зъ даньми и зъ землями и водами; Звинигородъ зъ выходы и зъ даньми и зъ землями и зъ водами; Черкасы зъ выходы и зъ даньми и зъ землями и водами; Звинигородъ зь выходы и зъ даньми и зъ землями и водами ; Хачибеевъ и Маякъ зъ водами и зъ землями ; ино почонши отъ Киева и Днепромъ и до устья и съ Непорожъ и Глинескъ , со всими ихъ людми; Жолважь, Путивлы зъ землями и водами; Бириньсинячъ , Хотеллосичи, Хотмышлы, Ницяны, со всими ихъ землами и водами и даньми и выходы; Черниговскую тьму со въсими выходы и даньми и зъ землями и водами; Рылескъ зъ выходы и даньми и зъ землями и водами; Курскую тьму зъ выходы и даньми и зь землями и водами ; Сараева сына Егалтаеву тьму ; Милолюбъ зъ выходы и даньми и зъ землями и водами; Мужечъ Осколъ и Стародубъ, Бранескъ и со всими ихъ выходы и даньми и зъ землями и водами; Менскъ и Люботескъ , Тула городъ, со всими ихъ выходы и даньми и землями и водами; Берестей и Ратунъ и Козельскъ, Пронъско, Олконьско, Испашъ, Донецъ со всими ихъ выходы и даньми и зъ землями и водами; Ябу городокъ, Балыклы, Караулъ чорный, городъ Дашовь, городищо Тошичи, Немиръ, Мушачъ, Ходоровъ со всими ихъ выходы и зь даньми и зъ землями и водами. Ино великий Князь Казимиръ братъ нашъ зъ Литовское земли съ Князи и Паны, што-бы доброта множила для того и мы тежъ съ Уланы, Князи,порадивъ а братъ нашъ Князь Казимиръ Анъдреева сына Пана Богдана Маршалъка а съ нимъ Пана Ивашковъ сынъ Панъ Ивашеньцо коли до мене отъ брата моего вь поселстве приехали , ино мы повышая, брата нашого, милуючи: Пъсковъ, Великий Новгородъ пожаловали , дали есмо и Резань и Переясловль въ головахъ люди, тьмы , городы и села и /89/ дани и выходы и зъ землями и зъ водами и съ потоками къ Литовскому столцу придали есмо; и новы, имены вышей писаные, городы. Князи и Бояре на передъ сего великому Князю Витолту, брату нашому, а потомъ великому Князю Жикгимонту брату нашому, какъ есте служивали, ино и ныне потомужъ великому Князю Казимиру брату нашому служите, колько городовъ дани и выходы сполна давали. А которые люди напотомъ повышая дали есмо , не молвте: перво того не служивали есмо и дани и выходу не даивали есмо, ни которое вымовъки не мейте, дани и выходы давайте, отъ нинешнего часу служите. Ино и нине великий Князь Жикгимонтъ брать нашъ зъ Литовское земли Князи и Паны для того штобы межи нами доброша была и мы съ Уланы и Князи порадикъ отъ брата нашого великого Князя Жикгимонта Панъ Юрьи Зеновъевичъ, а Панъ Якубъ Ивашенцевичъ Маршалокъ и Писарь Татарский Тимирчинъ сынъ Князь Абрагимъ отъ брата нашого въ Поселстве приездили , ино первые Царь дади наши Царь отецъ нашъ пожаловалъ которыми ярлыки, а потомъ и мы которымъ ярлыкомъ пожаловали милуючи Жикгимонта , брата нашого, къ Литовскои земли столцу дали есмо. Пожаловалъ сесь нашъ ярлыкъ зъ ласки по первомужъ сполна, дани и выходы и службу не будетель то сполна служити и вамъ некотороежъ добро будетъ, будете воеваны и граблены сего нашого ярлыка не будетель послушны штобы есте не сплошилися для того на то подъ золотымъ нишаномъ а подъ алыми пятны ярлыкъ данъ по Пророка нашого смерти деветь сотъ летъ, и трынадцать летъ щасливого МЂсяца Сафара 21 дня, въ пятницу, писанъ въ городе Веселомъ.

§ 2     Воля     18/04/2017 12:36     кому: Всем

Договорная грамота великаго князя Василія Іоанновича съ королемъ Польскимъ Сигизмундомъ 1-мъ. — С. 102-105.


Мы Василей Божью милостью Государь всея Руси и Великий Князь Володимерский, и Московский, Новгородский, и Пъсковский и Тьферский, и Югорский, Перемисъский и Болгаръский и иныхъ, взяли есмо любовъ и вечное доконанье съ своимъ братомъ и сватомъ зъ Жикгимонтомъ Королемъ Полскимъ и Великимъ Княземъ Литовскимъ, и Рускимъ, Княжашемъ Прускимъ и велико Кглокговскимъ и Опавскимъ и Слязскимъ и Лужицкимъ и Жомоитскимъ и иныхъ, жити мне въ любви съ нимъ по сей грамюте, а быти мне съ нимъ везде за одинъ и добра мне ему хотети и его землямъ везде где бы не было (*) а хто будетъ мне другъ, то и ему другъ; а хто будеть мне недругъ , то и ему недругь ; а хто будеть ему другъ, то и мне другъ; а хтю ему недругъ, то и мне недругъ ; а быти брате на всякого моего недруга со мною везде заодинъ, и на Татаръ, оприче Менъдли-Кгирея Цара Перекопъского, а пойдутъ ли брате Татарове, на наши Вкраинные места, и Княземъ нашимъ и Воеводамъ нашимъ Украиннымъ нашимъ людемъ сославшися , да боронитися имъ съодъного.


(*) А ему мне добра хотети , и нашимъ землямъ везде где бы не было. Ten wiersz takiesmy zastali. Instigator.


А где тобе моему брату, будетъ моя помочъ надобе, на всякого твоего недруга, и на Татаръ, тобе ко мне послаши и мне тобе помочь дати; а такъ же коли твоя помочъ мне будеть надобна, и мне къ тобе послати , и тобе , моему брату, мне помочъ дати на всякого моего недруга и на Татаръ. А коли пришлешъ ко мне про помочъ , а /103/ мне кь тобе будетъ въ ту пору помочи не льзя послати, ино то тобе отъ мене не въ измену ; а такъ же, коли язъ къ тобе пошлю про помочъ , а тобе ко мне будетъ вь ту пору помочи не льзе послати, ино то мне отъ тебе не вь изъмену. А у вотъчину намъ брате твое во въсе твои великие Князства: вь городъ Вруча и зъ волостьми , въ городъ вь Каневь зъ волостьми , вь городъ въ Черкасцы , зъ волостьми , вь городъ Житомиръ зъ волостьми , въ городъ въ Киевъ и зь волостьми, вь городъ въ Чубелчъ зь волостьми , въ городь Туровъ зъ волостьми , въ городъ въ Мозырь зь волостьми и въ волости ваши во Пеичъ, Убрагинъ, вь Речицу, въ Горвонь, въ Стрешино, въ Чичерескъ , вь Пропоескъ , въ городъ въ Могилевъ зь волостьми, вь городъ во Мстиславъль зь волостьми, вь городъ вь Кричовъ зъ волостьми, въ городъ въ Смоленъскъ и вь волости: вь Рословль. вы Иваньково , въ Пруды , вь Беликъ, въ Елну , въ Ратшино, вь Новоселье, вь Свадито, въ Ожерешперъ, вь Поречье, въ Нежоду , въ Вержанско , въ Руду , въ Мушковичи, вь Ветлицу, въ Щучъю, въ Буй городокъ и сь иными деревнями, што вь той же волости за мужилыми людми , и за Печерскимъ манастыремь и за Духовъскимъ, и за Троецкимъ , и што тое же волости деревни были за Борисомъ за Околничимъ; вь городъ у Витебъскъ и зъ волостьми, вь Брусь , вь Дречьи , Луки , вь Свяшо , въ Озерища , въ городь Полтескъ и зь волостьми, въ Мошъники, вь Дрысу, вь Освие, въ Пещорду , въ Непоротовичи, въ Вербилову слободу , въ Кубокь , въ волость у Вязьмо, въ Клинъ, вь Ситну, вь Лисну, въ Себежу, вь Замошение, и во въсе твои вь те Вкраинные места , и што къ нимъ потягло , невступатися маемъ и блюсти и не обидиши, ни подыскивати подъ /104/ тобою, и подъ твоими детьми всее твоей отчины, Великихъ Князствъ. А тобе Жикгимонту Королю й Великому Князю, въ наши земли въ нашу отчизну, во вси наши Великие Князства и въ Новгородъ Великий, и во Пъсковъ и во въся Новгородская и Псковъская места, и въ Торопецъ и во вси Торопецкие волости не вступатися ничимъ, такъже и во Тферь, и во вся Тверская места невступатися ничимъ и блюсти и не обидити и не поискивамти подо мною и подъ моими детми всее моее отчины , Великихъ Князствъ. А рубежъ Торопцу и Торопецкимъ волостямъ: Данъкову, а Любуше, Дубне, Рожне, Туре, Бибереве, Старцове, Нежелской, Веляжъской, Плавеецкой , Жижецкой , Озерской, Казариновское , и Новгородскимъ волостемъ , Лукамъ Великимъ и Пуповичомъ, и Ржеве и городу Острею и волостямъ Березаю, Невлю, Усвию, Ловцу, Весне, Бологу, и Холмъскому Погосту и Велиле и Лопастицамъ и Буйцу и инымъ волостнымъ всее земли , Новгородское съ твоего землею , съ Литвою и съ Полочаны и зъ Витбляны земле и воде по старимъ рубежомъ ; а Пскову отчине нашой рубежъ съ твоею землею: зъ Литвою земле и воде по старимъ Рубежомъ , такъ же тебе не вступатися въ насъ въ нашу отчину въ Тетиловъ и въ Рославъль и въ Веневъ (*) Пронскую землю,


(*) И во Мстиславль, и вь Торусу, и въ Оболенескъ, и въ Пронескъ и во всю Y ten wiersz tak naidziony. Instigator.


и во все то , што къ тымъ местомъ потягло , такъ же тобе невступатися въ насъ , въ нашу отчизну , въ те городы и вь волости , што за нашими слугами за Княземъ Васильемъ Иванови-/105/чомъ Шемячичемъ, и за Княземъ Васильемъ Семеновичомъ, и за Трубецкими Князи и за Масалскими въ городъ вь Рылескъ, зъ волостьми, въ городь Путивль, зъ волостьми, въ городъ Новгородокъ зъ волостьми, въ городъ въ Радогощъ зъ волостьми, въ городъ Черниговъ зъ волостьми, въ городъ Стародубъ зъ волостьми, въ городъ Почепъ зъ волостьми, вь городъ въ Гомей зъ волостьми: въ городъ въ Попову Гору и въ волости: въ Карачевъ, въ Хотимъ, въ Сновескъ, въ Хороборъ, во Мглинъ Дроковъ и въ села въ Уваровичи, въ Телишевичи, въ Тереничи, въ Кошелевъ Лесъ, въ Корозовичи, въ Липиличи, въ Скарбовичи, ва Залесье, въ Бабичи, въ Светиловичи, въ Голодно, въ Лапичи, въ Полешане, и въ городъ Трубческъ зъ волостьми, и въ городъ вь Масалескъ зъ волостьми. Такъже тебе не вступатися въ насъ, въ нашу отчину, въ городъ во Мценескь зъ волостьми и въ городъ въ Воротынескъ зъ волостьми и въ Городищо, Дмитровецъ и вь городъ у Вязъму и въ городы и въ волости, во вси земли и воды Вяземские, што къ Вязме потягло, вь городъ въ Дорогобужъ и въ волости Дорогобузьские, въ Погорелую, вь Негомлю.



Koniec Xiąg. Mikolai Puszkewskj Instigator Wielkiego Xięstwa Litewskiego.